Gásir

Flýtilyklar

Deildarval
Valmynd

Velkomin(n)

Gásir við Eyjafjörð eru einstakur staður 11 km norðan við Akureyri. Gásakaupstaður, verslunarstaður frá miðöldum eru friðlýstar fornleifar í umsjón Fornleifaverndar ríkisins. Á staðnum má sjá einstakar rústir þessa forna kaupstaðar sem var við lýði allt frá 12.öld og jafnvel allt að því að verslun hófst á Akureyri á 16. öld. Hér var um sumarverslunarstað að ræða eins og tíðkaðist í þá daga.

Nýjustu fréttir

Vel heppnaðir MIÐALDADAGAR Á GÁSUM
miðvikudagur 20.júl.11 09:17

Það voru 1800 gestir sem lögðu leið sína á Miðaldadaga á Gásum í Eyjafirði 16-19. Júlí. Þar var margt að sjá sem gladdi bæði augu og eyru um leið og þeir upplifðu miðaldir um stund. Ljúfir tónar ómuðu um kaupstaðinn og handverksfólk óf, vattarsaumaði og skar út í tré svo eitthvað sé nefnt um leið og matarilmur kitlaði bragðlauka. Hlátrasköll barna og fullorðna blönduðust sverðaglamri og háreysti bardagamannanna sem áttust við. Tvisvar var tekin kolagröf, kveikt í og hún opnuð við mikla eftirvæntingu Gásverja sem og gesta. Í bæði skiptin tókst vel til og afraksturinn voru tveir vænir sekkir af kolum sem eldsmiðirnir á staðnum nýttu til þess að gera hnífa, nagla, hringnælur og fleira. Brennisteinshreinsunin gekk eins og best verður á kosið og brennisteinninn hefði á sínum tíma selst í tunnu þá bræddur fyrir 90 fiska. Langskipið Vésteinn frá Þingeyri var á Gásum á laugardeginum og sigldi með gesti sem réru af kappi um fjörðinn.
- Lesa meira
Síðasti Miðaldadagurinn í dag!
þriðjudagur 19.júl.11 07:47

Um 1500 gestir hafa lagt leið sína á Miðaldadaga á Gásum síðustu þrjá daga. Þar er margt að sjá sem gleður auga og eyra. Kolagröf hefur nú verið tekin tvisvar og fyrri kolagerðin heppnaðist eins og best verður á kosið. Seinni kilagröfin verður opnuð í dag og eftirvænting ríkir því spennandi verður að sjá hvernig til tókst. Eldmiðirnir nýta kolin meðan þeir hamra járnið, ljúfir tónar óma um kaupstaðinn, matarilmur og hlátrasköll barna og fullorðna blandast sverðaglamai og háreysti bardagamanna sem eigast við. Kaupmennirnir laða að viðskipðtavini og ótal munir hafa skipt um eigendur. Veðrið hefur leikið við Gásverja og líkt og í gær kyssir sólin andlit og skalla. Myndin er tekin á laugardaginn af Herði Geirssyni þegar langskipið Vésteinn sigldi við Gáseyrina.
MIðaldadagar í Landanum í kvöld!
sunnudagur 17.júl.11 07:24

Meðal gesta í gær, laugardag, var sjónvarpsþátturin Landinn. Það verður gaman að sjá hvernig tókst til og enn fleiri geta séð hvernig lífið í Gásakaupstað hinum nýja fór fram og verður fram til 19. júlí!
Góð aðsókn í gær á Miðaldadaga
sunnudagur 17.júl.11 07:16

Það voru 650 gestir sem lögðu leið sína á Miðaldadaga á Gasum í gær. Stemningin var góð enda veður gott þó golan léki um bæði Gásverja og gesti. Brennisteinshreinsunin gekk vel, kolagröf var tekin og árangur skoðaður í dag kl 15:30 þeggar hún verður opnuð á ný. Ef vel tókst til munu eldsmiðir geta notað kolin á morgun! Unnið er að ólíku smáhandverki, spilaður knattleikur og fólk getur reynt sig við axarkast, bogfimi og steinakast auk þess að aðstoða við kaðalgerð. Já nóg að gera á Gásum. Við þökkum þeim fjöldamörgu gestum sem komu í gær og hlökkum til að sjá fleiri í dag. Það er opið í dag kl 11-17 sem og mánu- og þriðjudag!